Pamilya sang napatay nga si Nurse Nheizer, nagalaum nga madakpan na ang mga suspek bag-o ini malubong

Nagalaum ang pamilya ni Nurse Nheizer Aguacito nga napatay sa pagpangluthang sa syudad sang gensan nga kuntani madakpan na ang mga suspek bag-o ini nga malubong.

Sa interview sang Bombo Radyo kay Romil Aguacito amay sang biktima. Ginpahayag sini nga nagapasalamat man siya sa mga otoridad nga naga imbistigar sa nasambit nga insidente bangud yara na sa 70 porsyento ang ila nga nagapadayon nga pagimbistigar.

Dugang pa kay Romil, sa subong tuman ang kasakit ang ila gina batyag nga wala na ang ila nga bata kag bangud isa ka panganay pa ini sa pamilya.

Nagpanawagan naman si Romil sa mga otoridad nga mahatagan sang hustisya ang pagkamatay sang ila nga bata kag agud mapanabat ang mga suspek sa nagakaangay nga kaso.