Warriors nabigo, pistons nanaig sa iskor na 131-124 sa kabila ng late comeback

Natalo ang Golden State Warriors sa kamay ng Detroit Pistons, 131-124, matapos mabigo ang kanilang comeback sa fourth quarter kahit nabawasan ang 13-point deficit.

Ginamit ng Pistons ang mabilis na opensa at matibay na depensa upang pigilan ang tuluyang paghabol ng Warriors.

Pinangunahan ng Detroit si Cade Cunningham na nagtala ng 29 puntos, 11 assists, 4 rebounds, at 1 block, habang pito sa kanilang manlalaro ang nagtapos na may double-digit scoring.

Nasayang ang 23 puntos ni Stephen Curry, na hindi na natapos ang laro dahil sa knee soreness.

Sa kabila ng 18 three-pointers ng Warriors, nanaig ang Pistons sa points in the paint at fast break points, dahilan ng kanilang panalo bilang top team sa Eastern Conference.