Basura ang rason kung ngaa naka experyensya sang pagbaha ang parte sang gensan drive sa syudad sang Koronadal.
Ini ang nangin pahayag ni Engr. Ruel Tianchon, Head City sang Engineering Koronadal sa interview sang bombo radyo koronadal.
Suno kay Engr. Ruel, sa subong wala na ang mga basura nga nagtumpok sa kanal nga nangin kabangdanan sa pagbaha kag ginplanohan sang City government kaupod man sang DPWH 12 ang pag kay-o sa mga kanal agud masiguro nga padayon ang pag ilig sang tubig.
Dugang pa kay Engr. Ruel, nagapadayon man ang ila nga monitoring sa mga kanal sa syudad sang Koronadal nga masiguro man nga wala sang mangin dako nga probleme.
Panawagan naman ni Engr. Ruel sa publiko nga i haboy ang mga basura sa tama nga harabuyan kag indi pag haboy sang mga kanal agud malikayan ang paglapaw sang tubig.
