Panibag-o nga oil price hike ginpatuman subong nga adlaw sang Martes

Dungan nga nagpatuman ang mga kompanya sang gatong sang pagtaas sang presyo sa ila produkto nga petrolyo.

Subong alas 6:00 sang aga sang ginpatuman ang P0.40 nga pagtaas sa kada litro sang gasolina.

Samtang ang diesel may yara P1.40 nga pagtaas sa kada litro.

May yara man P0.80 nga pagtaas sa kada litro sang kerosene.

Suno sa Department of Energy, ang nasambit nga rason sang pagtaas sang produkto nga gatong bangud sa dako nga demand halin sa US kag Europe sa malamig nga panahon.