Matapos bumalik mula sa Australia nitong Miyerkules, Pinay tennis star Alex Eala ay kumpirmadong sasabak sa Philippine Women’s Open (PWO), ang kauna-unahang WTA 125-level tournament na gaganapin sa Pilipinas.
Ang event ay mula Enero 26 hanggang 31 sa Rizal Memorial Sports Complex Tennis Center sa Malate, Manila.
Si Eala ay makakasama sa 32-player main draw bilang wildcard, kasama sina Tenny Madis, 2025 Southeast Asian Games double bronze medalist, at Kaye Ann Emana, UAAP MVP mula sa UST.
Bukod sa mga lokal na manlalaro, kalahok din ang mga world-class na tennis stars tulad nina Tatjana Maria (World No. 42, Germany), Wang Xinyu (No. 46, China), Janice Tjen (No. 59, Indonesia), Solana Sierra (No. 63, Argentina), Donna Vekic (No. 72, Croatia), Kimberly Birrell (No. 76, Australia), at Camila Osorio (No. 84, Colombia).
Ayon sa mga opisyal, ang Philippine Women’s Open ay isang malaking hakbang para sa tennis sa bansa, na nagbibigay ng pagkakataon sa mga lokal na atleta tulad ni Eala na makalaban sa mga kilalang international players sa sariling bayan.
