Ginkondenar sang Department of National Defense (DND) ang pahayag sang tagpamaba sang Chinese Ministry of Foreign Affairs nga may mga opisyal sang Pilipinas nga “magabayad sang presyo” bangud sa ginpahayag nga disinformation.
Suno kay DND Spokesperson Assistant Secretary Arsenio Andolong, indi magpapahog ang DND kag Armed Forces of the Philippines sa apisar ano nga pamahog sang China kag padayon nga dumilian ang ila nga kabutigan kag ilegal nga mga aktibidades sa West Philippine Sea (WPS).
Naglala ang tensyon matapos magsumiter ang China sang diplomatic protest batok kay Philippine Coast Guard spokesperson Commodore Jay Tarriela, matapos usaron sang opisyal ang caricatures ni Chinese President Xi Jinping sa presentation bahin sa mga aktibidades sang China sa gina-awayan nga West Philippine Sea.
Dugang pa sang DND nga wala sang legal nga basehan ang pag-angkon sang China sa WPS, base sa 2016 arbitral tribunal ruling nga nagapabor sa Pilipinas.
