Gin-angot ni US President Donald Trump ang iya tuyo nga pagkontrol sa Greenland sa iya kapaslawan nga makuha ang Nobel Peace Prize.
Suno sa iya, wala na sia nagapanumdom sang lunsay kalinong lamang bangud ang tensyon sa Artic island ang nagapamahog nga matabo liwat ang trade war sa Europe.
Ini ang ginpahayag niya sa sulat niya kay Norway Prime Minister Jonas Gahr Stoere.
Ginhatag sang Norwegian Nobel Committee ang 2025 Nobel Peace Prize kay Venezuelan opposition leader Maria Corina Machado.
Ginhatag ni Machado ang medal sang nagligad nga semana kay Trump sa White House meeting apisar ginpahayag sang Nobel Committe nga indi mahimo masaylo ang prize, ma-share ukon ma-revoke.
Ginsulit niya ang akusasyon nga indi maproteheran sang Denmark ang Greenland nagikan sa Russia ukon China.
Ginpabaskog pa ni Trump ang iya pagduso sa pag-agaw sang soberanya sa Greenland gikan sa kaupod nga katapo sang NATO nga Denmark, nga nagapamahog sang taripa sa mga pungsod nga nagabalabag sa iya kag nagatulod sa European Union nga timbangon ang pagbalos paagi sa iya kaugalingon nga mga tikang.
Nagpasalig man ang presidente nga magapatuman sia sang serye sang pagsaka sang taripa sugod sa Enero 1 sa EU members nga Denmark, Sweden, France, Germany, the Netherlands kag Finland, upod sa Britain kag Norway tubtob nga pahanugutan ang US nga baklon ang Greenland.
