Wala sang may na record nga naguba nga mga establisyemento ukon bolothoan kag mga napilasan sa nagluntad nga linog sini nga adlaw sang Martes, 2026.
Ini ang nangin pahayag ni Cyrus Urbano ang City Disaster Risk Reduction and Management officer sa interview sang Bombo Radyo Koronadal.
Suno kay Urbano, mahinay ang nabatyagan sa syudad sang Koronadal sa diin yara lamang sa Intensity 1, apang ang nangin sentro sa linog amo ang sa Sultan Kudarat nga naka record sang 5.8 nga magnitude.
Dugang pa ni Urbano, nagpatigayon man sila sang monitoring kag assesment sa syudad agud mahibaluan kung may yara sang mga naguba pareho sang mga estbalisyemento ukon bolothoan kag iban pa.
Nagpanawagan naman si Urbano, nga dapat matun-an ang duck,cover ang hold sa tion nga mag abot ang linog kag importente nga tagsa ka mga barangay may yara sang evacuation area para sa mga tao.
