Gipahayag ni Davao City Rep. Paolo Duterte nga indi makabalik sa punsgod si anay Presidente Rodrigo Duterte tubtob si Presidente Ferdinand Marcos Jr. ang Presidente.
Nagalaum ang ila pamilya nga makabalik sa Pilipinas ang anay pangulo, apang sa kasamtangan mas ginpili niya nga magpabilin sa The Hague, Netherlands tubtob si Marcos ang Presidente.
Nagpakigbahin man si Rep. Duterte sang update may kaangtanan sa ikaayong lawas sang iya amay.
Padayon man sya nga ginaatiman sa ICC detention facility samtang gina-review sang Pre-Trial Chamber ang iya kaso may kaangtanan sa war on drugs.
Samtang, naglunsyar ang mga tagasuporta sang anay pangulo sang signature campaign nga “Tay, Kami Naman!” sa Davao City nga tinutuyo makakolekta sang 500,000 nga pirma agud awhagon ang Korte Suprema nga aksyunan ang mga kaso may kaangtanan sa gina-alegar nga ilegal nga pag-aresto kag referral sang anay pangulo sa ICC.
