TALISAYAN, Misamis Oriental – Nawasak nang husto ang isang Van Express at Bachelor Express matapos ang malakas na banggaan sa Mandahilag Street, Talisayan.
Sa kasamaang palad, nasawi ang driver ng van dahil sa tindi ng impact.
Ayon sa inisyal na imbestigasyon, nag-overtake ang bus nang bumangga ito sa van, dahilan ng matinding pinsala sa harapan ng parehong sasakyan.
Sinabi ng mga awtoridad na naputol ang ulo ng driver ng van dahil sa lakas ng banggaan.
Samantalang, ligtas naman ang isang pasahero ng nasabing pampasaherong sasakyan.
Kasalukuyang nasa kustodiya na ng Talisayan Police ang driver ng bus habang nagpapatuloy ang imbestigasyon upang matukoy ang buong detalye ng aksidente at mga posibleng pananagutan.
Patuloy naman ang awtoridad sa pag-iimbestiga upang masiguro ang kaligtasan sa kalsada at mabigyan ng hustisya ang biktima.
