KORONADAL CITY – Nakumpiskar sang kapulisan ang mga illegal nga firecrackers nga wala sang legal nga permit sa Brgy. Carpenter Hill, siyudad sang Koronadal, South Cotabato kadungan sang pagsug-alaw sang Bag-ong tuig.
Sa nasambit nga operasyon naabtan sang mga otoridad ang isa ka ginbayaan nga puwesto nga may nagkalain-lain nga mga firecrackers sa kilid sang dalan sa amo nga lugar.
Pagkakita sang mga otoridad sa mga firecrackers, gilayon ini nga gincheckyar kag gin-kumpiskar.
Kaangot sini, nakuha sang mga otoridad sa lugar ang 20 ka bilog sang kwitis, 5 ka small fountain, 108 ka Mabuhay sparkler, 900 ka three-star triangle, kag 624 ka sparkler, nga may gina bulubanta nga kantidad nga PHP 5,000.
Sa subong , ang gin-kumpiskar nga mga firecrackers gindala na sa Koronadal City Police Station.
