Negosyante, ginluthang-patay sa syudad sang General Santos City; kapulisan, padayon ang imbestigasyon

Nagapadayon ang imbestigasyon sang mga kapulisan matapos ginluthang ang isa ka negosyante sang wala pa makilala nga suspek sa atubang sang iya tindahan sa bahin sang Zone 1, Purok Balunto, Brgy. Labangal, General Santos City.

Ginkilala ang biktima nga si Allan Granada, 38 anyos, negosayante kag residente man sang nasambit nga barangay.

Suno sa mga residente nakabati sila sang lima ka lupok sa armas kag nasapwan ang biktima nga wala na sang kabuhi. Base sa mga otoridad, posible nga selos sa negosyo ang motibo sang krimen.

Sa karon, padayon ang imbestigasyon sang Makar Police Station agud madakpan ang suspek.