KORONADAL CITY – Ginalaman ang pagnubo sang generation rate sang South Cotabato I Electric Cooperative, Inc. o SOCOTECO-I sa madason nga tuig 2026.
Ini matapos pormal nga gin-aprubahan sang National Power Corporation (NPC)-Power Sector Assets and Liabilities Management (PSALM) Corporation ang dugang nga supply sang kuryente para sa Power Supply Contract sang kooperatiba.
Ang pag-apruba magadulot sang average nga pagnubo sang generation rate sang humigit-kumulang Php0.44 kada kWh, isa ka importante nga tikang para sa mas “abot-kaya’ nga serbisyo sa mga member-consumer-owners (MCOs) sang SOCOTECO-I.
Ginpahayag sang kooperatiba nga ang ini nga development kag kadalag-an ang resulta sang padayon nga pagpangabudlay kag koordinasyon sang SOCOTECO-I, mga stakeholders, kag sa bulig ni Congressman Ferdinand L. Hernandez, representante sang 2nd District sang South Cotabato, nga aktibo nga nagasuporta sa hingyo sang kooperatiba.
Ini lamang suno pa ini ka tikang sang SOCOTECO-I sa pagpaayo sang serbisyo kag paghatag sang mas maayo nga kuryente sa ila mga konsumer sa mas manubo nga presyo.
