Ginapaalinton sang City Health Office ang mga ginikanan nga likawan nga ipagamit sa kabataan ang palupok, nga angay lang ipagamit sa mga adult ukon may edad na.
Ini ang nangin pahayag ni Mylene Seliote, HEPO III sang City Health Office Koronadal, sa interview sang Bombo Radyo Koronadal.
Suno kay Seliote, kadam-an sa mga kabataan ang mabiktima ukon maka-angkon sang seryoso nga mga injuries bangod sa palupok, gani maghimo sang mga paagi agud indi sila makagamit sini.
Suno man saiya, kadam-an sa mga nagagamit sang mga palupok nga triangle kag super lolo nga amo ang mga common nga palupok ang may mga na-record nga firecracker injuries, base sa datos sang Department of Health (DOH).
Dugang pa niya, may ara sang mga palupok nga legal ukon ginatugutan, samtang may mga ginadumili man nga ginamonitor sang kapulisan.
Suno pa kay Seliote, may mga designated nga lugar lang sa diin ginasugtan nga magpalupok, kag ini ginapatuman sang mga otoridad.
