Padayon sa karon ang pakig-angot kag imbestiga sang kapulisan, kasuldaduhan kag mga Muslim community elders agud matumod ang mga suspek sa pagpamusil patay sa grupo sang isa ka kumander pasado alas 5:50 sang aga sa bahin sang Barangay Malinan, siyudad sang Kidapawan.
Nagsanib pwersa ang Cotabato Police Provincial Office kaupod ang Matalam MPS, Kidapawan PNP kag tropa sang 602nd Bridage sang Philippine Army kag mangin ang CCCH-AHJAG kag mga elders nga nagkadto sa mismo nga lokasyon sang engkwentro
Base sa nakuha nga impormasyon, ginkumpirma sang pamilya sang mga biktima kag sa mismo nga asawa sang kumander nga ang pito (7) nga napatay ang ginkilala nga sanday, Kumander Salindato Edris Langalen kag ang mga kaupdana sini nga sila Sammy Baraguir, Marudin Baraguir, Nasrudin Baraguir, Nasrodin Amelil, Mohaimen Amelil kag si Mastura Edris Kusain nga nagtaliwan sa balay bululgnan.
Base sa survivor, indi niya kilala ang mga suspek, gani nagsiling ang hepe sang Cotabato Police Provincial Office nga kon may mga nakakilala saila gilayon nga ihambal saila agud mapasaka-an sang kaso.
Nahibal-an man nga mga napatay ang ginkilala nga mga residente sang Cotabato city kag nag-istar sa lugar sang Agusto 8 subongg taon.
Gilayon man nga ginlubong ang mga biktima sang ila pamilya.
Sa karon ginahibalo pa ang motibo sa likod sang nasambit nga insidente.
