Nagapadayon ang imbestigasyon kag hot pursuit operation sang Cotabato City PNP angut sa pagpang luthang sang isa ka motorista sang indi pa matumod nga mga suspek sa JP Laurel St. Barangay Poblacion B, Mlang, Cotabato kahapon nga adlaw sang Miyerkules, Nobyembre 12, 2025.
Ginkilala ang biktima sa kay David Nicolas, yara sa legal nga pagidaron kag residente sang nasambit nga lugar.
Base sa inisyal nga imbestigasyon sang kapulisan, sakay ang mga suspetsado sa motorsiklo sang gindikitan ang biktima nga si Nicolas kag ginpaarakan sang bala.
Nakaangkon sang igo sang bala ang biktima sa ulo kag bahin sang lawas matapos ginpaulanan sang bala sang mga suspek nga nagasuksok sang puti nga t-shirt, ang driver samtang ang backrider naman ang naka-itim nga t-shirt kag nakamaskara.
Samtang, narekober man sang investigation unit ang pila ka basyo sang bala halin sa caliber 45 pistol sa crimescene.
Sa subong nagapadayon ang imbestigayon sang mga otoridad agud matumod ang mga suspek may kahilabtanan sa nasambit nga krimen.
