Boluntaryo nga surrender sa mga otoridad ang isa ka anay miyembro sang intelligence officer sang Communist Terrorist Group (CTG) sa Davao de Oro City sang tinalikdan nga adlaw.
Ginkilala ang nag surrender sa kay alyas “Shann,” 30 anyos kag residente sang Davao de Oro kag anay miyembro sang New People’s Army nga nagsurender sang iya kaugalingon sa headquarters sang 1st Davao de Oro Provincial Mobile Force Company (DDOPMFC) sa Purok 16, Poblacion, Nabunturan.
Samtang sa custodial debriefing, ginpahayag ni “Shann” nga ang iya desisyon nga bayaan ang hublag naghalin sa iya pagkadismaya sa ideolohiya sang NPA, nga ginlaragway niya nga mali kag wala nagahatag sang maayo nga padulungan sa kabuhi.
Sa karon, ang anay rebelde yara na karon sa kustodiya sang 1st DDOPMFC para sa nagakaigo nga debriefing kag disposisyon. Natalana sia nga magbaton sang bulig halin sa gobyerno sa idalom sang Enhanced Comprehensive Local Integration Program (E-CLIP), nga nagahatag sang pangabuhian kag suporta sa reintegrasyon sa mga anay rebelde nga nagpili nga magbalik sa sabak sang kasuguan.
