Naglab-ot sa 1,163 ka tawo ang gin-aresto sang Philippine National Police (PNP) sa nagkalain-lain nga operasyon sa bug-os nga pungsod halin Oktubre 31 tubtob Nobyembre 2, kadungan sang pagdumdom sang Adlaw sang mga Santos kag Adlaw sang mga Kalag.
Sa kabilugan nga 1,391 ka operasyon, 517 sa mga naaresto ang may mga outstanding warrant of arrest para sa nagkalain-lain nga krimen.
Suno sa PNP, kalakip sa mga ginpatigayon nga operasyon amo ang batok sa ilegal nga droga (307 ka kaso), ilegal nga sugal (223 ka kaso), kag mga loose firearms (199 ka kaso). Naglab-ot sa 151,066.11 ka gramo sang ginadumilian nga droga ang nakumpiskar.
Natalana naman sa kabilugan nga 92,894 ka personnel halin sa nagkalain-lain nga ahensiya ang na-deploy para sa seguridad subong nga Undas — kalakip diri ang 32,317 halin sa PNP, 18,838 ang halin sa AFP, BFP, kag PCG, kag 41,739 nga force multipliers pareho sang mga barangay tanod kag volunteers. May kaangtanan sini nakumpiskar man sang mga otoridad ang 478 ka mga patalom, 65 ka botelya sang alak, 52 ka baraha, kag iban pa nga ginadumilian nga gamit sa sementeryo kag pampubliko nga lugar.
