Ginpahayag ni Caloocan Rep. Edgar Erice nga may plano nga magbiya sa iya katungdanan ang isa ka miyembro sang Independent Commission for Infrastructure (ICI) bangud sa kakulangan ukon limitado nga gahum sang Komisyon. Sa iya privilege speech sa plenaryo kaina, ginpahayag ni Erice nga personal niya nga nakaistorya ang amo nga miyembro sang ICI.
Bangud sini, gin-awhag ni Erice ang Kongreso nga magpasa sang panukalang balaod nga magahatag sang contempt powers sa Komisyon.Suno kay Erice, nawadaan na sang paglaum ang amo nga miyembro sang ICI bangud sa limitado lang ang ila gahum. Ginpunto sang Kongresista nga ila pagahingyuon nga sertipikahan bilang urgent ang amo nga panukala kag magatawag sang espesyal nga sesyon para diri.
Sa subong, wala pa sang sabat ang Palasyo sang Malacañang parte sa ginpahayag ni Erice.
