Dako ang pagpati ni Vice President Sara Duterte sa mga alegasyon sang suhol nga ginainvolbaran ni anay House Speaker Martin Romualdez.
Suno sa bise presidente, naga-santo ang mga report angot sa mga maleta nga puno sang kwarta sa mga nauna nga balita sang korupsiyon.
Ginpahayag man sini nga sa desisyon sang Delaware Court sa kaso sang Okada Manila, makapila ka beses nga naguwa ang pangalan ni Romualdez.
Gintumod sang korte ang “heavy luggage” nga suno pa may unod nga mga dokumento, apang wala ini ginpatihan.
Para kay VP Duterte, ang pattern sang mga hitabo ang indi dapat balewalaon.
Liwat niya nga ginkuwestiyon ang desisyon ni Pangulong Marcos Jr. sa pagsuporta kay Romualdez bilang Speaker sadto.
Sa ulihi, gin-insiter niya nga sa palaabuton maguwa gid ang hustisya kag pagpanukot sang katawhan.
Wala pa sang panibag-o nga sabat ang kampo ni Romualdez sa butang nga ini.
