Ginpaguwa na sang Malacañang ang Executive Order No. 94 nga nagatukod sang Independent Commission for Infrastructure ukon ICI. Sa nasambit nga Executive Order No. 94 ginpirmahan ni Presidente Ferdinand Marcos Jr. subong nga adlaw, Setyembre 11, 2025.Gintukod ang Independent Commission agud imbestigaran ang mga iregularidad kag korapsyon sa mga flood control kag iban pa nga infrastructure projects sang gobyerno sa sulod sang napulo ka tuig nga naglabay.Ang fact-finding commission ginabug-os sang tatlo ka miyembro — isa ka chairperson kag duha ka miyembro — nga may mabaskug nga reputasyon sa integridad kag pagkapatas.May awtoridad ang ICI nga magpatigayon sang imbestigasyon, magpagwa sang subpoena, mangalap sang ebidensya, kag magrekomendar sang pagsaka sang kaso batok sa mga nalakip sa anomalya — opisyal man sang gobyerno ukon pribado nga indibidwal.
