Suportado ni Philippine National Police (PNP) Chief PGen. Nicolas Torre III ang pagpasa sang layi nga maganubo sang edad para sa criminal liability basta may yara ini sang scientific basis.
Sunó sa hepe, magahatag sang ila pormal nga posisyon ang PNP parte sa sini nga isyu paagi sa isa ka sinulat nga dokumento nga ipasa sa Kongreso.
Ini ang ila paagi sang paghatag sang opinyon, labi na kon may posibilidad sang pagbag-o sa mga layi nga may kaangtanan sa mga kabataan.
Bisan pa man nagpahayag sang suporta ang hepe, nagapabilin siya sa iya panindugan nga dapat may yara ini sang scientific basis kag mga ebidensya nga naga-suporta sini.
Siling niya, may mga pagtuon nga kinahanglan tagaan konsiderasyon parte sa age limits kag kahibalo sang mga kabataan, ilabi na subong nga daku ang ila access sa tanan nga klase sang impormasyon.
Samtang, luwas sa mga ebidensya nga base sa pagtuon kag siyensya, ginpabaskug man ni Torre nga dapat ikonsiderar ang mga pagtuon nga amo ang gintunaan sang Republic Act 9344 ukon ang Juvenile Justice and Welfare Act.
