Nanawagan ang Teachers’ Dignity Coalition (TDC) sa mga otoridad nga imbestigahan sang husto ang pagpatay sa isa ka manunudlo sa Balabagan, Lanao del Sur.
Sa ila pahayag, ginpahayag sang grupo ang kabudlayan sang mga manunudlo ang ginapakita sini nga insidente, labi pa nga may pareho man nga pagpamusil sa isa ka buluthuan sa Nueva Ecija sang nagligad nga semana.
Nagalaum ang TDC nga ini nga hitabo mangin wake-up call para palig-onon pa ang proteksyon sa mga manunudlo kag mga estudyante sa pungsod.
Ginahingyo man sang grupo ang gobyerno nga magpundo sang igo nga budget para sa seguridad sang mga buluthuan kalakip na ang pagbutang sang security personnel, paghatag sang gamit, kag pagpatuman sang istrikto nga mga polisiya.
Dugang pa sang TDC, panahon na nga gamiton ang “whole-of-society approach” agud mapunggan ang nagadamo kag nagalala nga kultura sang karahasan sa mga komunidad sa Pilipinas.
