Ginpahayag sang Malacañang nga wala sila sang hibalo kun sa diin subong si Bise Presidente Sara Duterte.
Suno kay Palace Press Officer Claire Castro, ang pinakaulihi nga travel authorization nga gin-issue sa Bise Presidente amo ang iya biyahe pakadtu sa South Korea kag sa the Netherlands.
Apang ginpahayag ni Castro nga may nadugangan sila nga impormasyon nga nagaplano ang Bise Presidente nga magbiyahe pakadtu sa Kuwait nga gin-anunsyo man sang una ni Duterte sa nagligad nga mga semana.
Ginahulat pa sang Office of the President ang request sang travel authority nga isusumiter ni Duterte.
Madumdman nga sang Hulyo 28, nag-abot sa pungsod ang Bise Presidente halin sa iya biyahe sa South Korea.
Sang Hulyo 29 tubtub 31, yara siya sa Marinduque kag nagpanagtag sang relief goods sa mga biktima sang bagyo kag habagat.
