Indi pa masiling sang abogado ni anay Negros Oriental Representative Arnolfo Teves kon pagapasugtan sila sang korte nga magpasa sa kaso nga murder nga ginatubang niya.
Suno kay Atty. Ferdinand Topacio, nga nagpatigayon sang bail hearing sang Miyerkules sa Manila Regional Trial Court Branch 12.
Nagapasalamat si Topacio bangud ginhatagan sila sang tsansa nga mapresentar ang ila argumento.
Nagasalig si Topacio nga patas ang huwes matapos nila mapagwa ang ila nga mga punto.
Apang nagapati man si Atty. Ferdinand Benitez, ang abogado sang testigo nga si Gemuel Hobro, nga indi pag-aprubahan ang hangyo ni Teves nga makapyal.
Ginplano nga magatestigo si Hobro sa korte sa masunod nga Agosto 8, pero nagka-problema sila sa pila ka isyu sa Witness Protection Program gani sa Agosto 11 na lang siya magatambong.
Ginatubang ni Teves ang kaso sang pagpatay kay Lester Bato, ang bodyguard sang isa ka kandidato sa pagka-alkalde sang 2019.
May kaso man siya sang illegal possession of firearms kag explosives sa amo man nga korte.
Ginasiling man nga si Teves ang mastermind sa pagpatay kay anay Negros Oriental Governor Roel Degamo kag sang 10 pa ka iban sang Marso 4, 2023.
