Sabay sabay ang mga kumbuyuhan sang gatong sa pagpasaka sang presyo sang ila mga produkto.
Pasado alas-6 sang aga, ginpatuman ang P0.70 nga pagtaas sa kada litro sang gasolina.
Samtang may P1.40 nga pagtaas sa kada litro sang diesel, kag ang kerosene may P0.80 nga dugang presyo kada litro.
Suno sa Department of Energy (DOE), ang ini nga pagtaas sang presyo sang gatong ang bangod sang mataas nga demand sang gatong sa kalibutan kag ang geopolitical tension sa Red Sea.
Ginalauman man sang DOE nga may posibilidad nga magnubo ang presyo sang mga produktong gatong sa masunod nga semana bangod sang pagtaas sang produksyon sang Organization of the Petroleum Exporting Countries (OPEC) kag sang mataas nga taripa nga ginpatuman ni US President Donald Trump sa iban nga mga pungsod.
