Padayon nga gina patigayon sang Koronadal City ENRO sa pagpamuno ni Mas Estratehiko nga Pagkontrol sa Basura sa Tunga sang Kapyestahan sa syudad sang Koronadal.
Suno kay Agustus Bretana, isa sa mga pinaka-komon nga problema nga ginapangatubang sa tunga sang mga kapyestahan amo ang basura.
Agud masiguro nga malimitahan ang epekto sini, nagpatigayon ang lokal nga gobyerno sang mas istrikto kag kolaboratibo nga sistema sa mga sektor kag ahensya.
May sistema sang clustering kag grouping nga gin-implementar, kun sa diin ang kada grupo may assigned nga mga areas para mag-oversee sa mga aktibidad kag siguraduhon nga maayo ang paghimos sang basura.
May mga Cenro officers nga naga-libot sa mga designated areas of responsibility.
Suno kay Bretana, may mga officers nga mag-charge sa gab-i, kag may iban naman nga mag-assist sa aga para mag-monitor sang basura sa mga public spaces kag kalsada sa bisan anong oras.
Bisan indi man maubos ang tanan nga basura sa tunga sang kapyestahan, ang tuyo sang lokal nga gobyerno, suno kay Bretana, amo ang pag-limit sang basura sa mga critical nga lugar kag siguraduhon nga indi ini magtuga sang dako nga problema sa kalikupan.
Ang padayon nga koordinasyon sang mga otoridad kag mga sektor ang magahatag sang posibilidad nga mapanubo ang epekto sang basura sa syudad.
