Nagpakita sang manami nga outcome ang labor market sang Pilipinas sa Mayo, nga nag-nubo ang unemployment sa 3.9% halin sa 4.1%, kag nag-nubo man ang underemployment sa 13.1% halin sa 14.6%, suno sa Philippine Statistics Authority (PSA).
Nagtaas ang labor force participation rate sa 65.8%, nga amo ang pinakamataas humalin pa sang 2005, nga may 52.32 million nga mga Pilipino sa labor force.
Nagtaas man ang employment sa 96.1%, nga may 50.29 miliion nga naga-trabaho.
Suno kay Department of Economy, Planning and Development (DEPDev) Secretary Arsenio Balisacan, ang mas damo nga workforce nagapakita sang maayo nga ekonomiya kag nagapakita sang pagsalig.
Ginpabugal niya ang importante sang infrastructure projects, maayo nga paggamit sang pondo, pag-upskill sang workforce, kag pag-angay sa digital nga teknolohiya upod ang AI.
Plano sang gobyerno nga magpagwa sang guidelines para sa AI integration kag magpagwa sang updated Philippine Development Plan para mag-focus sa paghatag trabaho sa tunga sang global nga mga problema.
