Patay ang isa ka suspek sa kawatan sang pinya matapos magbalos sang pagpalupok sa mga guwardiya sa isa ka pineapple plantation sa Sitio Capareda, Brgy. Acmonan, Tupi, South Cotabato.
Ginkilala ang napatay nga suspek nga si alyas “Premmar”, may asawa, kag residente sang Barangay Polonuling, Tupi, South Cotabato.
Suno sa inisyal nga imbestigasyon, tatlo ka suspek ang naaktuhan nga nagapanguha sang pinya gamit ang pick-up. Sang ginsinita sila sang guwardiya, nagpalupok ang mga suspek.
Naigo ang isa ka suspek, kag dead on arrival sa ospital, samtang nakapalagyo ang duha ka iban pa.
Narekober sa crime scene ang .45 caliber pistol kag pick-up nga puno sang pinya.
Ang guwardiya naga-monitor na sang madugay nga pagpangawat sang pinya sa lugar. Ang napatay nga suspek amo ang Top 4 Most Wanted Person sa South Cotabato.
Nahibaluan man nga ang pick-up nga ginkargahan sang pinya amo ang isa ka rent-a-car vehicle.
