-- ADVERTISEMENT --
Patay ang isa ka lalaki nga ginapatihan nga notorious nga kawatan sang pinya gamit ang isa ka 4×4 pick-up truck sa Sitio Capareda, Barangay Acmonan, sa Tupi, South Cotabato.
Napatay ang suspek sang mga guwardiya sang nasambit nga plantasyon.
Mahibal-an nga madugay na ini ginabantayan sang mga barangay officials kag kaupod sang security agency nga nagabantay sa pineapple plantation sa nasambit nga barangay.
Sitahon lang kuntani sang mga guwardya ang suspek, apang nagpagwa ini sang pusil kag nagpalupok, gani nagluntad ang buslanay sang lupok nga nagresulta sa kamatayon sang suspek.
Sa karon, padayon pa ang imbestigasyon sang Tupi Municipal Police Station agod makilala ang suspek kag makuha ang iban pa nga impormasyon.
