Pagbayluhanay sang lupok sa tunga sang armado nga grupo sa Brgy. Linantangan, Shariff Saydona Mustapha, Maguindanao del Sur

Nakuhanan sang aktwal nga video ni Saldin Hajilatip Edzla ang bayluhanay sang lupok sa tunga sang mga armado nga grupo sa Barangay Linantangan, Shariff Saydona Mustapha, Maguindanao del Sur, sang aga sang Hulyo 3, 2025.

Makita sa footage ang pagbunoay sang pusil samtang may pila man ka residente nga naipit sa tunga sang engkwentro.

Gindayun na ang pag-deploy sang mga kasundaluhan sa lugar agud masiguro ang seguridad sang mga pumuluyo kag malikawan ang posible nga paglala sang insidente.

Padayon pa ang monitoring sang mga otoridad sa palibot sang lugar samtang ginapangita ang hinungdan kag ang identity sang mga grupo nga sangkot sa nasambit nga insidente.