-- ADVERTISEMENT --
Arestado sa entrapment operation sang kapulisan ang apat ka ginapatihan nga shabu dealers, upod ang isa ka babayi, sa Brgy. Taviran, Datu Odin Sinsuat, Maguindanao del Norte.
Ginkilala sila nga sanday Kadiguia Abel, Kaharudin Paglas, Aratok Adam, kag Gabriel Abang.
Nadakpan sila samtang nagabaligya sang shabu nga nagabalor ₱13,000 sa kapulisan.
Ginkumpirmar ni Brig. Gen. Jeysan Carpio De Guzman sang PRO-BAR ang operasyon nga ginpatigayon sang Datu Odin Sinsuat Police kag iban pa nga mga yunit.
Sa karon maga-atubang sa kaso nga paglapas sa Comprehensive Dangerous Drugs Act of 2002 ang apat nga mga suspects, nga sakaron yara na sa isa ka police detention facility.
