Arestado ang isa ka empleyado sang City Environment Natural Resources Office kag ginakabig nga high value individual sa ginpatigayon nga drug buy bust operation sang mga awtoridad sa Sitio Cogonal, Brgy. Topland, siyudad sang Koronadal.
Gikilala sang mga awtoridad ang suspek nga si alyas Oplok, 55 anyos residente sang nasambit nga lugar kag kasamtangan nga Forrest Technician sa na-mensyonar nga talatapan sang Local Government Unit sang Koronadal.
Sa nangin pahayag ni John Ryan F. Juarez, Forester III – Acting Resource, Rehabilitation and Conservation Division Head sa interview sang bombo radyo Koronadal wala ini naga-ekspektar nga mangin imboldado ang isa nila ka job order employee.
Sa dugang, ginhatagan ni Juarez sang importansya nga nagakaangay nga mangin role model ang isa ka empleyado sang gobyerno.
Ginapasigurado naman sang City Government sang Koronadal nga gina-assess nila ang ila mga empleyado kag nagahatag sila sang ligwa para sa random drug testing labi na sa renewal sang mga job order employees.
Padayon naman ang panawagan sang mga otoridad sa publiko nga i-report saila talatapan ang mga indibidwal nga may kaangtanan sa illegal nga droga.
