Natapos na ang kampanya ni Pinay tennis star Alex Eala sa Wimbledon.
Wala nakadaog si Eala sa iya pinakauna nga pagpartisipar sa Wimbledon batok sa defending champion nga si Barbora Krejcikova, sa score nga 6-3, 2-6, 1-6.
Sa una nga set, nakuha ni Eala ang kadalag-an, pero pag-abot sang ikaduha kag ikatatlo nga set, ginpakita ni Krejcikova ang iya abilidad sa dula batok sa player nga may ranking nga ika-56.
Nagdominar ang abilidad sang Czech player, nga nakakuha sang 5-0 nga puntos sa ikaduha nga set.
Si Krejcikova wala nakadula sa quarterfinals sang Lexus Eastbourne Open sang nagligad nga semana tungod sa injury, samtang si Eala nakaabot pa sa finals sang amo nga torneo.
Gindayaw man sang Czech player si Eala bangod nga nabigla siya sang Pinay sa first round.
Ang masunod nga makaatubang ni Krejcikova amo si World No. 66 Caroline Dolehide ukon World No. 94 Arantxa Rus sa ikaduha nga round.
Samtang si Eala magahampang pa sa women’s doubles upod kay Eva Lys, kag makaatubang nila si Olga Danilovic kag Anastasia Potapova sa adlaw nga Miyerkules.
