Floral dress ni Princess Diana nabakal sa masobra P28-M

Nabaligya sa presyo nga $520,000 ukon kapin P28-milyon ang floral dress ni Princess Diana.

Suno sa Julien’s Auctions, ini nga bayo nakita nga gin-gamit sang anay Princess of Wales sa madamo nga okasyon halin 1988 tubtob 1992.

Lakip diri ang pagbisita niya sa mga ospital sang kabataan kag sang nagbisita siya sa Spain kag Nigeria.

Ang “caring dress” gin-disenyo sang British salon nga Bellville Sassoon halin sa United Kingdom.

Lakip man sa mga nabaligya sa auction amo ang coat dress kag cream silk evening gown nga tagsa nabaligya sa presyo nga $455,000.