Patay ang duha ka lalaki matapos ginbuno sa bahin sang Barangay San Agustin , bangud sa gina-alegar nga wala nag-amot para sa ilimnon.
Ginkilala ang mga biktima sa alyas nga Mario kag Gaspar, nga mga residente sang Sta. Maria, Davao Occidental.
Suno kay Police Lt. Col. Dennis Pabilonia, hepe sang Pili Municipal Police Station, nagainum ang mga biktima upod ang suspek nga ginkilala sa alyas nga Novo sang Banaybanay, Davao Oriental.
Sa tunga sang inuman, nagpangayo sang amot ang suspek agud makabakal pa sang ilimnon. Apang sang wala ginhatagan, didto na nagsugod ang mainit nga diskusyon.
Nagkuha sang kutsilyo ang suspek kag ginbuno ang duha ka biktima.
Gindala pa sa ospital ang mga biktima apang gindeklarar nga dead on arrival bangud sang mga seryoso nga pilas sa lawas.
Gilayon man nga nadakpan ang suspek kag karon magaatubang sang kaso nga two counts of murder.
