Iran kag Israel nagsugtanay sa isa ka total ceasefire – Trump

Ginpahibalo ni US President Donald Trump nga may ara na sang kumpleto kag total nga ceasefire sa tunga sang Israel kag Iran.

Ginsiling niya nga nagkasugot ang duha ka panig nga umpisaon ang ceasefire pagkatapos sang anom ka oras.

Ginpunto niya nga nagbaton ang duha ka lider sang pungsod sa paghimo sang “complete kag total” nga ceasefire.

Dugang pa niya, ang Iran ang magapasugod sang ceasefire kag pagkatapos sang 12 ka oras, masunod ang Israel tubtob sa opisyal nga katapusan sang 12 ka adlaw nga giyera.

Nahitabo ang pag-istoryahanay matapos ang airstrike sang Iran sa military base sang US sa Qatar.