Ginbuno ang isa ka lalaki sang iya kaupdanan sa inom sa Santoyo Compound, Purok Tony Ko, Brgy. Zone III , Syudad sang Koronadal.
Ginkilala ang biktima nga si Elmer, samtang ang suspek naman amo si alyas Pedring, nga ginatudlo nga nagbuno gamit ang kutsilyo.
Base sa interbyu sang Bombo Radyo Koronadal kay Nene, isa ka residente sa lugar, naga-inom sang makahululubog nga ilimnon ang duha, tubtob nga nagbaisanay ang mga ini.
Sa tunga sang baisanay, nagkuha si Pedring ang kutsilyo kag ginbuno si Elmer, nga nagtuga sang pilas sa iya kilid.
Suno kay Nene, ang rason sang away amo ang kabilya bangud isa lang sila ka shop nga ginaubrahan, kag pirme may atraso si Pedring sa ila nga lugar.
Madason nga gindala sang balay-bululngan ang suspek kag sa karon ginhatagan sang atensyon-medikal.
Madasig naman nga nagresponde ang kapulisan sa nasambit nga lugar kag madason nga nadakpan ang suspek.
