Sa padayon nga tensyon sa bahin sang Israel kag Iran, Ginpahayag ni Elvie Pregua, isa ka Overseas Filipino Worker (OFW), BINC to Israel , nga bisan ang mga lugar nga layo sa Iran kag may daku nga Arab population pareho sang Jerusalem kag Galilee, naapektuhan sa gihapon sang tension sa tunga sang Iran kag Israel.
Bisan pa nga ginakabig nga indi military targets ang mga amo nga lugar, nakabatyag gihapon ang mga pumuluyo sang kakulba kag peligro bangud sa palibot nga pagnilupok kag pagbombahanay.
Suno sa iya, padayon ang pagtaas sang tensyon sa duha ka pungsod.
Nagapadayon man ang kahangawa sang mga pumuluyo kag OFWs, ilabi na bangud sa posibilidad sang dugang pa nga pagbayluhanay sang atake.
Gina-awhag sang mga OFWs ang pagtutok sa safety protocols kag ang pag-coordinate sa embahada bilang kabahin sang ila preparasyon kag proteksyon.
Samtang wala pa sang klaro nga paghinay sang tensyon, importante suno pa kay Pregua nga magpabilin nga alerto kag andam ang tanan nga mga apektado.
