Daku nga pagsaka sa presyo sang gasolina, ginapaabot sa masunod nga semana, sa tunga sang tensyon sa Middle East kag pagnubo sang balor sang piso

Mas daku pa nga pagsaka sang presyo sang gasolina ginapaabot sa masunod nga semaana.

Base sa datos sang pila ka oil companies, sa una nga tatlo ka adlaw sang trading, naglab-ot na sa ₱3.65 kada litro ang diesel, ₱3.53 ang kerosene, kag ₱2.37 ang gasolina.

Apang kung magapadayon pa ang pagsaka sang presyo tubtob Huwebes kag Biyernes, kag magapadayon man ang pagnubo sang balor sang piso kontra dolyar, posible nga maglapaw sa ₱4 kada litro ang diesel.

Ang piso nagtapos sa ₱57.45 kada dolyar sang Huwebes, halin sa ₱56.98 sang Miyerkules, kag naga-padayon .

Nagpangabay ang Department of Energy (DOE) sa mga oil companies nga maghatag sang diskwento sa mga PUVs agud mapahagan-hagan ang epekto sang pagsaka sang presyo.