Ginpaambit sang Heart Journal nga ang paggamit sang marijuana mahimo magdugang sang peligro sang ikaayong lawas(sakit sa puso), base sa ila mga datos nga nakuha sa bug-os nga kalibutan.
Sa ginpatigayon nga pagtuon, ginbunyag nga sa kapin 200 milyones ka tawo halin sa iban-iban nga pungsod, nga naga-edad 19 tubtob 59, may 29% nga mas taas nga posibilidad nga magka-acute coronary syndrome ukon atake sa puso, samtang 20% naman ang may posibilidad nga ma-stroke.
Suno kay Emilie Jouanjis, propesor sang pharmacology sa University of Toulouse, France, madamo sa mga apektado nga pasyente amo ang mga kabataan nga wala sang historya ukon risk factors sang sakit sa puso, kag wala man naga-panigarilyo.
Ginpaathag ni Dr. Lynn Silver sang University of California, San Francisco, nga kinahanglan lantawon sang mga doktor kag gobyerno nga pareho sang sigarilyo, ang marijuana may madamo man nga delikado nga epekto sa lawas, kag dapat nga ipahibalo ini sa publiko.
Bisan wala ginpakita sa datos kon paano ginagamit ang marijuana paagi sa panigarilyo, vaping, ukon pagkaon amo ginpahayag nga mas kadam-an nagagamit sini sa tradisyunal nga paagi nga panigarilyo, kun sa diin mas dali nga makakuha sang sakit.
Diri sa Pilipinas, una na nga nagsuporta ang Simbahang Katolika sa paggamit sang cannabis bilang medisina, apang nagapadayon nga ilegal ang rekreasyonal nga paggamit sini.
Base sa 2019 National Household Survey sang Dangerous Drugs Board (DDB), 1.67 milyon nga Pilipino nga naga-edad 10-69 ang nagagamit sang iligal nga droga, kag 57% sini ang marijuana ang ginatuyo, o mga 958,000 ka tawo.
Sa 2022 Statistical Analysis sang DDB, ginpakita nga 27% sang mga pasyente sa rehabilitation centers ang nagagamit sang marijuana.
Sa 2019 Global School-based Student Health Survey, sa mga kabataan nga naga-edad 13 tubtob 17 anyos, 79% ang nagsiling nga nakagamit sila sang marijuana sa sulod sang nagligad nga 30 ka adlaw.
Bisan wala pa sang pinal nga datos kun pila ka mga Pilipino ang napatay bangod sa paggamit sang marijuana, may mga pagtuon na nga nagatugot sang koneksyon sini sa bigla nga atake sa puso.
Sa gihapon, ginatudlo sang Comprehensive Dangerous Drugs Act of 2022 nga iligal ang paggamit, pagbakal, kag paghimo sang marijuana sa Pilipinas.
Ginakabig ini bilang “dangerous drug”, kag kon madakpan, mahimo nga mapreso habambuhay tubtob sa kamatayon, kag magmulta sang ₱500,000 tubtob ₱10 milyon.
Ginpaandam man sang Philippine Drug Enforcement Agency (PDEA) nga bisan ang pagbakal ukon paggamit sang hemp seed oil ukon produkto nga halin sa cannabis, ginakabig gihapon nga iligal sa Pilipinas.
Ginpahanumdom sang mga eksperto kag mga institusyon medikal ang publiko nga indi ligtas ang paggamit sang marijuana, bisan pa para sa rekreasyonal nga katuyuan.
Padayon nga ginaduso ang maayo nga edukasyon sang mga peligro sini para ikaayong lawas, labi na sa kabataan.
