Magabaton sang libre nga school supplies ang tanan nga mga estudyante halin Kindergarten tubtob Grade 12 sa mga pampubliko nga eskwelahan sa syudad sang Koronadal para sa School Year 2025–2026.
Ini ang ginkumpirmar ni Lani M. Rivera ang Focal Person on Education sa interbyu sang Bombo Radyo Koronadal.
Suno saiya, yari ang mga lakip gna mga school supplies nga mabaton sang mga estudyante.
Sa Kindergarten, magabaton ang kabataan sang: 2 ka notebook, 3 ka lapis, 1 ka sharpener, 1 ka expandable plastic envelope, 1 ka ruler, 1 ka gunting, 1 ka kahon sang crayons kag 3 ka pad sang papel. Para sa Grade 1 tubtob Grade 3, magabaton sila sang 8 ka notebook, 3 ka lapis, 1 sharpener, 1 plastic envelope, 1 ruler, 1 gunting, 1 crayons, kag 3 pads sang papel. Sa Grade 4 tubtob grade 6 may 8 notebook, 3 highlighter, 3 pads paper, 1 ruler, 1 gunting, 2 ballpen, kag 1 envelope.
Sa Grade 7 tubtob 10, may 1 binder notebook, 3 pads intermediate paper, 1 eco bag, 1 ruler, 1 gunting, kag 2 ballpen.
Sa Grade 11, may 1 binder notebook, 1 flash drive, 3 pads sang intermediate paper, 1 eco bag, kag 2 ballpen.
Para sa Grade 12, may 1 binder notebook, 3 pads sang intermediate, 1 eco bag, 1 calculator, kag 2 ballpen.
Ang mga non-graded learners makabaton sang 8 notebooks, 3 pads sang intermediate paper, 1 plastic envelope, 1 ruler, 2 ballpen, 1 gunting, kag 3 highlighter.
Ipanghatag ini sang mga maestro kag maestra pag-abri sang klase, kag para sa mga residente sang Koronadal nga ga eskwela sa gawas sang koronadal kag gusto maka-avail, pwede sila makadto sa City Hall Lobby sa June 14–15, alas 9 sang aga tubtob alas 3 sang hapon.
Kinahanglan lang dal-on ang school ID kag barangay certificate ukon voters’ ID nga nagpamatuod nga sila residente sang Koronadal.
