-- ADVERTISEMENT --
Ginkumpirmar ni US President Donald Trump nga padayon na ang negosasyon para sa ceasefire deal sa tunga sang Ukraine kag Russia, kasunod sang iya pagpakig-angot kay Russian President Vladimir Putin.
Suno pa kay Trump, may ara na sang pila ka pag-uswag sa ginahisgotan nga peace deal, kag ginpahibalo na niya ang mga lider sang Ukraine, European Union, France, Germany, Italy, kag Finland.
Ginpanginwala man ni Trump ang pagpataw sang bag-o nga mga sanctions batok sa Russia, bangud base sa iya, posible pa nga maglala ang tensyon kon himuon ini.
Pipila sa mga posible nga lugar nga pagalunsyaran sang masunod nga pagpulong bahin sa ceasefire deal amo ang Vatican, Turkey, kag Switzerland.
