Nagka-aberya ang masobra 300 ka automated counting machines (ACMs) sang May 12 midterm elections, suno kay Comelec Chairman George Erwin Garcia.
311 ka ACMs ang nagka-aberya, nga mas manubo kumpara sa 2,500 sang 2022 presidential elections.
Kadam-an sang problema sa mga makina amo ang pag-reject sang mga balota kag isyu sa mga cover, scanner, kag screen.
Wala pa sang malig-on nga ebidensya angot sa wala nagatugma nga resibo kag balota.
Suno kay Garcia, dako ang posibilidad nga nalimtan sang mga botante kon sino ang ila ginboto ukon nagmali sa pagboto.
Ginsiguro man niya nga gin-islan dayon ang mga nagka-aberya nga makina agud mapadali ang proseso.
Ginkumpirma man ni Garcia nga wala sang natala nga ‘failure of elections’ sa mga midterm polls kag nagpasalamat sa mga Comelec personnel para sa madinag-on nga eleksyon.
