Gin isdog sang Department of Agriculture (DA) ang paglunsyar sang P20/kilo nga bigas sa idalum sang ‘Benteng Bigas Mayroon (BBM) na’ program sa National Capital Region (NCR) sa Mayo 13, nga amo ang petsa pagkatapos sang halalan.
Suno kay Assistant Secretary for Agribusiness, Marketing and Consumer Affairs Atty. Genevieve Velicaria-Guevarra, ini nga desisyon ginpahamtang suno sa mga direktiba ni Agriculture Secretary Francisco Tiu Laurel Jr. kag mga pahayag ni Commission on Elections (Comelec) Chairman Atty. George Erwin Garcia. Gani, ginpili sang ila departamento nga ipatuman ang programa pagkatapos sang adlaw sang piniliay.
Ginplano nga ilunsyar ang programa sa mga Kadiwa stores sa Mayo 2, pagkatapos ini na umpisahan sa Cebu sang Mayo 1.
Ginpahayag pa sang opisyal nga may ara na sang nauna nga programa nga P29 nga bigas nga ginabaligya subong sa publiko, kag ang plano lang sang ila ahensya amo ang pag-convert sini nga mga bugas sa P20/kilo nga bigas.
