10 pilason sa nagluntad nga pagka loose brake sang 4-wheeler nga salakyan sa Syudad sang Koronadal

Nadulaan sang kontrol ang isa ka 4-wheeled nga salakyan bangud na loose brake sa Prk. Waling Waling, Brgy. Mambucal, Syudad sang Koronadal, 1:30 sang kaagahon, Mayo 1, 2025.

Suno sa inisyal nga impormasyon, may yara 10 ka pilason samtang 3 diri ang menor de edad kag lunsay residente sang Kiamba, Sarangani Province.

Papuli na kuntani sila sa Kiamba bangud nag ligo ini sa hot spring swimming pool resort sa Mambucal apang na loose brake ang nasambit nga salakyan kag nahulog sa kanal nga gintunaan nga makaagum sang minor injuries kag gasgas ang mga sakay sini.

Sa karon, padayon nga nagapabulong ang mga sakay sang 4 wheeler nga salakyan pati man ang imbestigasyon sang mga awtoridad.