Malampuson nga natungtungan sang mga tropa sang gobyerno sang bandera sang Pilipinas ang Sandy Cay, malapit sa Pag-asa Island sa West Philippine Sea.
Ini ang nagluntad matapos ang inter-agency maritime operation sang Abril 27 nga ginpatigayon sang pinagsanib nga pwersa sang Philippine Navy, Philippine Coast Guard, kag PNP Maritime Group.
Suno kay Col. Xerxes Trinidad, hepe sang AFP Public Affairs Office, ang operasyon ginpatuman agud patib-ong liwat ang soberanya kag katungod sang Pilipinas sa mga Cays nga nahamtang sulod sang 12 nautical miles halin sa Pag-asa Island sa WPS.
Gindugang pa ni Trinidad nga ang pagtungtong sang bandera sang Pilipinas amo ang buhi nga pamatuod nga indi matuod ang pahayag sang China Coast Guard nga ila na ang Pag-asa Cay 2.
Ginpasiguro man sang AFP nga padayon sila nga magapabilin nga komitado sa pagpanalipod sang soberanya sang pungsod, pagprotekta sang maritime domain, kag pagpanindugan sang katungdanan sang Pilipinas suno sa internasyonal nga layi.
