Magabiyahe na Padulong Vatican Si Pangulong Marcos kag First Lady Liza Marcos Karon nga Gab-i para sa Lubong ni Pope Francis
Ginkumpirmar ini ni Palace Press Officer Undersecretary Claire Castro.
Suno kay Castro, wala sang pre-departure honor ukon seremonya sa paghalin sang Pangulo karon nga gab-i.
Wala man niya ginpahayag kon sin-o nga mga opisyal ang upod sang Pangulo sa iya biyahe, kag wala man siya sang impormasyon kon sin-o ang temporaryo nga magapadayon sang mga responsibilidad nga mabilin sang presidente.
Suno sa iya, ang Palasyo ang maga-anunsyo sang detalye antes magbiyahe ang Pangulo.
Gindugang pa ni Castro nga wala pa siya sang ideya kon san-o makapauli ang Presidente sa Pilipinas kag kon may iban pa ini nga mga aktibidad sa Europa.
Madumduman nga Si Pope Francis igalubong sa Basilica of St. Mary Major.
