Ginalauman nga magabayad sing mas mahal ang mga Pilipino nga konsumidor para sa mantika sang lubi subong nga tuig bangud sang pagtaas sang panginahanglan kag kalakip nga problema sa global supply.
Suno sa Philippine Coconut Authority (PCA), ila ginapaabot ang padayon nga pagsaka sang presyo sang mantika sang lubi sa masunod nga mga inadlaw.
Ang wala sa lugar nga pagsaka sang presyo sang mantika sang lubi sa umpisa sang 2025 resulta ini sang nagatig-a nga global supply kag nagataas nga demand.
Ginklaro sang PCA nga ang pagtaas sang presyo ginadala sang mga pungsod nga suppliers nga ginapanguna ang ila lokal nga panginahanglan kag ginapugngan ang ila eksportasyon.
Isa pa ka rason amo ang daku nga epekto sang panakop sang Russia sa Ukraine sa global nga supply sang vegetable oils, bangud ang duha ka pungsod amo ang pinakadaku nga suppliers sang rapeseed kag sunflower oil sa bug-os nga kalibutan.
Bisan pa man sini nga mga kahimtangan, wala plano ang PCA nga magpatuman sang price ceiling sa lokal nga presyo sang cooking oil sa mill-gate level.
