Gindeklara ni Presidente Ferdinand Marcos Jr. ang Abril 22, 2025 bilang Day of National Mourning bilang pagpanumdom kag pagkilala sa kamatayon sang National Artist for Film and Broadcast Media nga si Nora Cabaltera Villamayor, ukon mas kilala bilang Nora Aunor.
Base sa Proclamation No. 1390 (s. 2022), ginpasidunggan si Nora Aunor bilang Pambansang Alagad ng Sining sa linyada sang pelikula kag broadcast arts bangud sang iya pinasahi nga kontribusyon sa sining kag kultura sang mga Pilipino.
Ang iya pagtaliwan ginakabig nga isa ka daku nga kadulaan, indi lamang sa iya mga pamilya kag palangga sa kabuhi, kundi sa bug-os nga pungsod kag sa artistic kag cultural community.
Pinaagi sa nasambit nga proklamasyon, ginmanduan ang tanan nga ahensya kag opisina sang gobyerno sa bug-os nga Pilipinas, upod man ang mga embahada kag konsulado sa guwa sang pungsod, nga ibutang sa half-mast ang watawat sang Pilipinas bilang simbolo sang pagluluksa.
